Շուրթերի խնամք. դիմակներ տնային պայմաններում

Որպեսզի ձեր շուրթերը մշտապես առողջ ու թարմ տեսք ունենան, պետք է չմոռանալ խնամքի մասին: Հատկապես այս ցուրտ եղանակին շուրթերը հետևողական խնամք են պահանջում: Իսկ դրա համար լավագույն միջոցը տնային պայմաններում դիմակներ օգտագործելն է: Իրականում հենց Ձեր սառնարանում կգտնեք այն ամենը, ինչից էլ կարելի է պատրաստել դիմակներ շուրթերի համար:

Մրգային, բանջարեղենային և հատապտղային դիմակներ

Այս դիմակի պատրաստման համար ձեզ պետք կգա սերուցքային կարագ և այս ցուցակից միրգ կամ բանջարեղեն` խնձոր, բանան, դդում, կիվի, գազար, վարունգ: Բացառել պետք է միայն կիտրոնը. այն չորացնում է մաշկը:

Հարկավոր է սերուցքային կարագ` մեկ թեյի գդալի ½-ը և 1թեյի գդալ մանր քերած միրգ կամ բանջարեղեն: Այս ամենը խաառնում եք լավ, քսում շուրթերին 15 րոպեով: Մրգային, բանջարեղենային դիմակները հիանալի սնուցում, խոնավեցնում և փափկեցնում են շուրթերի մաշկը:

Մեղրով դիմակներ

Մեղրն իսկական հրաշք է շուրթերի համար: Այն շատ լավ փափկեցնում և սնուցում է շուրթերը: Կարելի է նույնիսկ առանց որևէ հավելման, միայն մեղր քսել շուրթերին: 10 րոպեից կարող եք լվանալ:

Որպեսզի մեղրն ավելի արդյունավետ լինի, այն խառնում են խոզի յուղի հետ` 2:1 չափաբաժնով: Այս խառնուրդը պահեք սառնարանում:

Կաթնաշոռով դիմակներ

Կաթնաշոռից ստացվում են սնուցող և փափկեցնող դիմակներ շուրթերի համար: Կես թեյի գդալ կաթնաշոռը խառնում ենք 1թեյի գդալ սերուցքի, կաթի կամ բուսական յուղի հետ: Դիմակը շուրթերին քսեք հաստ շերտով և թողեք այդպես 10-15 րոպե:

Վիտամինային դիմակներ

Այս դիմակը պատրաստելու համար պետք է գնել յուղային վիտամիններ A և E, որոնք վաճառվում են դեղատներում սրվակներով: Խառնեք դրանք շատ քիչ քանակությամբ մեղրի և նույն քանակի բուսական յուղի հետ: Քսեք դիմակը 15 րոպեով և լվացեք գոլ ջրով:

Դիմակից հետո…

Դիմակը լվանալուց հետո ձեր շուրթերը շատ զգայուն և նուրբ կլինեն: Պետք է անպայման սնուցող կրեմ քսել, հիգիենիկ շրթներկ կամ շուրթերի բալզամ:

Հարցեր, պատասխաններ, մեկնաբանություններ